Almatyda Sovmınka atalyp ketken klınıkalyq aýrýhana ulttyq gospıtal bolyp qaıta qurylady
Ortalyq klınıkalyq aýrýhananyń baspasóz qyzmeti habarlaǵandaı, QR Úkimetiniń byltyrǵy 2 tamyzdaǵy №523 qaýlysy negizinde «OKA» AQ jekeshelendirýge arnalǵan obektiler tizbesinen alynyp tastaldy. Ol osylaısha Prezıdent Іs basqarmasy medıtsına ortalyǵynyń ulttyq gospıtali sharýashylyq júrgizý quqyǵyndaǵy respýblıkalyq memlekettik kásiporny bolyp qaıta qurylady.
«Jekeshelendirý tizbesinen shyǵarýdy maquldaý jónindegi memlekettik komıssııanyń qorytyndysyna sáıkes, QR Básekelestikti qorǵaý jáne damytý agenttigi QR Prezıdenti Іs basqarmasy medıtsına ortalyǵynyń ulttyq gospıtali respýblıkalyq memlekettik kásipornyn qurýǵa kelisim berdi. Medıtsına mekemesin qaıta qurý aýrýhanany odan ári damytý úshin qajet, bul shara aýrýhana patsıentterine eshqandaı ózgeris ákelmeıdi», - delingen «Ortalyq klınıkalyq aýrýhana» AQ habarlamasynda.
Gospıtal burynǵy ǵımarat pen mekenjaıynda qala beredi.
Qazirgi ýaqytta qaýly jobasy 25 shildege deıin ashyq talqylaý úshin Ashyq NQA saıtynda jarııalanǵan.