Almatyda sot oryndaýshylar palatasynyń basshysy lıtsenzııasynan aıyryldy

ASTANA. QazAqparat - Almaty qalasyndaǵy Bostandyq aýdandyq soty Qazaqstan Respýblıkasy Ádilet mınıstrliginiń shaǵymy boıynsha, 3 sáýir kúni Almatydaǵy aımaqtyq jeke sot oryndaýshylar palatasynyń basshysy Serik Nuǵymanovty jeke sot oryndaýshy lıtsenzııasynan aıyrý týraly azamattyq isti qarady. Bul týraly QR Ádilet mınıstrliginiń baspasóz qyzmeti habarlaıdy.

Bostandyq aýdandyq sotynyń sheshimimen Serik Nuǵmanovtyń lıtsenzııasynyń jaramdylyǵy toqtatyldy. Respýblıkalyq jeke sot oryndaýshylar palatasyna Serik Nuǵymanovty múshelikke alýǵa jáne oǵan Almaty qalasynda aımaqtyq jeke sot oryndaýshylar palatasynda basshylyq qyzmet etýge tıym salyndy.

Esterińizge sala keteıik, Qazaqstan Respýblıkasy Ádilet mınıstrliginen buǵan deıin Serik Nuǵymanovtyń jemqorlyqqa qatysty isterge boı aldyryp jáne ol istiń toqtatylýyna baılanysty shaǵym túsken bolatyn.

Belgilengen Zańǵa sáıkes jemqorlyq jaýapkershilikke tartylǵan tulǵa jeke sot oryndaýshy bolyp jumys isteı almaıdy.