Almatyda sońǵy qońyraý men mektep bitirý keshteri qalaı ótetindigi aıtyldy

ALMATY. QazAqparat – Almaty qalalyq bilim basqarmasy basshysynyń orynbasary Qaırat Jumanov brıfıng barysynda bıyl mektep bitirý keshteri men sońǵy qońyraý qalaı ótetini týraly aıtty, dep habarlaıdy QazAqparat tilshisi.

«25 mamyrda sońǵy qońyraý. Bıyl qaladaǵy epıdemıologııalyq jaǵdaıdy eskere otyryp, basqarma bilim berý uıymdaryna sońǵy qońyraýdy onlaın rejıminde ótkizýge keńes berdi. Desekte, barlyq sanıtarlyq talaptardy saqtaı otyryp 11 synyptar úshin sońǵy qońyraýdy mektepte ótkizýge tyıym salynbaıdy», - dedi ol.

Onyń aıtýynsha, bilim mınıstrliginiń buıryǵyna sáıkes, 11-synyp oqýshylary úshin 12-14 maýsym aralyǵynda mektep bitirý keshteri uıymdastyrylady.

«Jaqyn qalǵan kezde bilim basqarmasy túlekterge resmı túrde attestatty tabystaý is-sharasy men kesh ótkizýge qatysty óz usynystaryn beredi», - dedi spıker.

Eske salaıyq, bıyl Almatyda 647 túlek «Altyn belgige» úmitker.