Almatyda sodyrlardyń shabýylynan keıingi polıtsııa ǵımaraty kórsetildi
17:41, 20 Qańtar 2022
ALMATY. QazAqparat - Almaty qalalyq polıtsııa departamenti sodyrlardyń shabýylynan keıingi polıtsııa ǵımarattarynyń vıdosyn jarııalady, dep habarlaıdy QazAqparat tilshisi.
Buryn habarlanǵandaı, 6 qańtarǵa qaraǵan túni qalanyń polıtsııa departamentine, Áýezov, Almaly, Bostandyq, Medeý, Jetisý aýdandarynyń polıtsııa basqarmalaryna, sondaı-aq Almaly aýdandyq polıtsııa basqarmasy janyndaǵy polıtsııa bólimine qarýly shabýyl jasaldy.
«Shabýylshylar avtomat, granata, «Molotov» kokteılderin jáne basqa da atys qarýlaryn qoldandy. Almaty qalalyq polıtsııa departamentine saǵat 20:00-den 05:00-ge deıin barlyǵy 27 shabýyl jasaldy. Ókinishke oraı, Almaly aýdandyq polıtsııa basqarmasy janyndaǵy polıtsııa bóliminiń ǵımaratyna jasalǵan shabýyldy toıtarý kezinde eki polıtseı qaza tapty»,- delingen habarlamada.
Qanat Taımerdenovtyń aıtýynsha, sodyrlar tártip saqshylarynyń qarýdy tastap,berilýin talap etken.