Almatyda sıntetıkalyq esirtkiniń iri partııasy tárkilendi
Polıtsııa qyzmetkerleri turaqty esirtki tasymaldaýshysyn ustady, odan birneshe mekenjaıdan sot-hımııalyq saraptamanyń qorytyndysy boıynsha 1 keliden astam sıntetıkalyq a-PVP esirtkisi tárkilendi.
«37 jastaǵy I. esimdi kúdikti azamat úsh mekenjaıǵa betbelgi qoıý barysynda ustaldy. Izolentaǵa oralǵan esirtki zattary birden tárkilendi. Sonymen qatar, kúdiktiniń Tolstoı kóshesindegi jaldamaly páteri de tekserildi. Nátıjesinde as úıdegi sóreden jasyl jáne aq tústi untaqty zaty bar 40 býma anyqtaldy. Sondaı-aq, zaldan qorap tabyldy, onyń ishinde untaqty zaty bar 331 býma boldy. Samaldyqtan qyzyl, kók, aq jáne jasyl tústi túıirshikter men ishinde untaq túrindegi zaty bar 5 plastık ydys tabyldy. Saraptama býmalar men ydystarǵa sıntetıkalyq esirtki oralǵanyn anyqtady», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Ustalǵan azamattyń áreketi tergeýmen QR QK-niń 297-baby 3-bóligimen saralandy. Ol ÝUI-ǵa qamaýǵa alyndy. Almatyǵa shópti jetkizýdiń naqty arnasy belgili bolady. Qazir kúdikti sıntetıkalyq esirtkini ınternet arqyly alǵanyn alǵa tartyp otyr.
Foto: polisia.kz