Almatyda sıntetıkalyq esirtki óndiretin jasyryn zerthana joıyldy

NUR-SULTAN. QazAqparat - QR Ulttyq qaýipsizdik komıtetiniń Almaty qalasy boıynsha departamenti sıntetıkalyq esirtki óndiretin jasyryn zerthananyń áreketin toqtatty, dep habarlaıdy departamenttiń baspasóz qyzmeti.

Baspasóz qyzmetiniń málimetterine qaraǵanda, 2020 jylǵy 4 aqpanda jedel-izdestirý is-sharalaryn iske asyrý barysynda asa iri mólsherde sıntetıkalyq esirtkini qupııa orynǵa qaldyrý sátinde esirtki zerthanasyn uıymdastyrýǵa jáne onyń jumys isteýine qatysy bar Almaty qalasynyń «A» degen turǵyny ustaldy.

Jedel-tergeý is-sharalaryn júrgizý nátıjesinde shamamen 5 kg sıntetıkalyq esirtki, 1 kg jáne 260 lıtrge jýyq hımııalyq qospa tabylyp, alyndy, olar sot-hımııalyq saraptamaǵa joldandy.

Júıkege áser etetin daıyn ónim Internet-resýrstar arqyly jáne baılanyssyz tásilmen qupııa orynǵa salý jolymen taratylǵany anyqtaldy.

QR UQK Almaty qalasy boıynsha departamenti osy fakt boıynsha QR QK 297-babynyń 3-bólimine sáıkes qylmystyq is qozǵady. Ustalǵan adam tergeý ızolıatoryna qamaldy, sotqa deıingi tergep-tekserý jalǵasýda.

Sońǵy ýaqytta Almaty qalasyna sıntetıkalyq negizdegi esirtkini jasyryn daıyndaý jáne «qara naryqqa» jetkizý faktileriniń ulǵaıýy baıqalatynyn atap ótý qajet.