Almatyda sıntetıkalyq esirtki daıyndap satýmen aınalysqan adam ustaldy
Baspasóz qyzmeti taratqan málimetter boıynsha, esirtkini daıyndaýshy 33 jastaǵy S. esimdi azamat bolyp shyqty. Tártip saqshylary onyń «Mersedes» markili kóligin Dostyq dańǵyly men Omarova kóshesiniń qıylysynda toqtatty. Onyń ózin jáne kóligin tintý kezinde kóliginen ızolentaǵa oralǵan 85 bým tabyldy.
Ustalǵan azamat tabylǵan zattardy Almaty qalasy men Almaty oblysyna saýdalaý úshin saqtap qoıǵan, «mefedron» jáne «marıhýana» esirtkisi ekenin aıtty.
Tergeý barysynda málim bolǵanyndaı, kúdikti sıntetıkalyq shópti ózi jasaǵan. Osy maqsatta ol Almaty oblysy Tuzdybastaý aýylynda jer úıdi jalǵa alǵan.
Tintý kezinde jalǵa alynǵan turǵyn úıden zerthanalyq jabdyqtar, shyny tostaǵandar men krıstaldy zattar salynǵan metall qańyltyrlar, kanıstrge quylǵan túrli suıyqtyqtar jáne untaq hımııalyq zattar, untaq zattar salynǵan polıetılen qaptar, elektrondy tarazylar, magnıttik aralastyrǵysh jáne 300 qapshyqtar tabylyp, jáne tárkilendi.
Saraptama qorytyndysyna sáıkes, tárkilengen zattardyń ishinen «mefedron» esirtkisi anyqtaldy jáne onyń salmaǵy 15 keli 200 grammdy qurady.
«Jaýap alý kezinde esirtki jasaýshy laborant pen kýrer bolyp jumys istegen jáne osy jumysy úshin jaqsy jalaqy alǵanyn aıtty. «Jumys berýshi» zerthanaǵa qajet baspanany da jalǵa alyp bergen. Atalǵan derek boıynsha Medeý aýdandyq polıtsııa basqarmasy sotqa deıingi tergeý amaldaryn júrgizip jatyr. Qylmystyq is QR QK-niń 297-baby 3-bóligi boıynsha tirkeldi. Kúdikti qamaýǵa alyndy»,-delingen habarlamada.