Almatyda shomylý maýsymynda sýdyń sapasy aı saıyn tekserilip turady

ALMATY. QazAqparat - Ashyq sý qoımalaryndaǵy sýǵa aı saıyn mıkrobıologııalyq, sanıtarlyq-hımııalyq jáne parazıtologııalyq kórsetkish boıynsha zerthanalyq baqylaý júrgiziledi, dep habarlaıdy QazAqparat tilshisi.

Almaty qalalyq sanıtarlyq-epıdemıologııalyq baqylaý departamenti basshysynyń orynbasary Gaýhar Qatkenovanyń aıtýynsha, aldaǵy jazda ekinshi sanattaǵy 30 ashyq sý qoımasynadaǵy sýǵa mıkrobıologııalyq, sanıtarııalyq-hımııalyq jáne parazıtologııalyq kórsetkishterge zerthanalyq baqylaý aı saıyn júrgiziledi.

Qala ákimdiginiń «Almaty qalasynyń sý obektileri men sý sharýashylyǵy qurylystaryndaǵy kópshiliktiń demalýyna, týrızm men sportqa arnalǵan jerlerdi belgileý týraly» qaýlysyna sáıkes, megapolıste shomylýǵa arnalǵan 4 aımaq aıqyndaldy:

- Úlken Almaty kóli – «Baým toǵaıy» jaǵajaıy;

- Úlken Almaty kóli – «Gúlder» jaǵajaıy» demalys aımaǵy;

- Almaly aýdanynyń shyǵys jaǵyndaǵy Saıran kóli – jaǵajaı Tóle bı kóshesinen ońtústik baǵytta 200 metr, kóldiń batys jaǵy Áýezov aýdany – jaǵajaı ońtústik baǵytta Tóle bı kóshesinen pırske deıin 300 metr.

«Aldaǵy jazda aı saıyn mamyr-qyrkúıek aralyǵynda mıkrobıologııalyq, sanıtarııalyq-hımııalyq jáne parazıtologııalyq kórsetkishterge Saıran kólinen, sondaı-aq sý berilgen jaǵdaıda Qonaev atyndaǵy Úlken Almaty kanalynyń da sýy tekserilip otyrady»,- dedi Gaýhar Qatkenova.

Aıta keteıik 2017 jyldan bastap Úlken Almaty kóline sý berilmeıdi jáne 2018 jyldan bastap Qulja - Rysqulov jolaıyryǵynyń qurylysy bastaldy.