Almatyda Shoqan Ýálıhanovqa arnalǵan kitaptyń tusaýkeseri ótti (FOTO)

ALMATY. QazAqparat - Búgin Almatyda uly ǵalym, aǵartýshy, etnograf Shoqan Ýálıhanovtyń týǵanyna 180 jyl tolýyna oraı uly tulǵanyń ómiri men shyǵarmashylyǵyna arnalǵan birneshe kitaptyń tusaýkeseri ótti.

Atap aıtqanda, Klara Dııarovanyń «Aqqan juldyz. Shoqan Ýálıhanov», Ordenbek Mázbaev pen Ismaıljan Imınovtyń «Shoqannyń kerýen jolymen» kitaptary kópshilikke tanystyryldy.

Aıta keteıik, jańa týyndylarǵa Qazaqstan ulttyq geografııalyq qoǵamynyń Shoqannyń izimen Qashǵarııaǵa uıymdastyrǵan ekspedıtsııasynan týǵan derekter kirgen. Bıyl ınstıtýt qyzmetkerleri «Zolotaıa knıga» redkatsııasymen birige otyryp, osy materıaldar negizinde fotoalbom jasaýdy jón dep sheshti.

«2014 jyly Qazaqstan geografııa qoǵamy bir top ǵalymdy Sh.Ýálıhanovtyń kerýen jolyna saparǵa jiberdi. Kópkúndik ekspedıtsııada Týrfan, Artýsh qalalarynda boldyq. Birinshi bóliminde biz Shoqannyń ózi jáne saıahaty týraly baıandasaq, ekinshisi bizdiń kúndeligimizge aınaldy. Ol biregeı ǵulama edi. Kóp ǵalymdar onyń barǵan jerine barmaı jatyp eńbek jazady. Ol durys emes. Mende áli de kóp suraq bar kókeıimdi mazalaǵan», - dedi Ismaıljan Imınov.

Dóńgelek ústelde 30 ǵalym bas qosty. Olar ǵulamanyń ómiri men ǵylymǵa qosqan úlesin jańa qyrynan talqylady.