Almatyda sheteldikterdiń mazasyn alǵan taksıst 5 táýlikke qamaýǵa alyndy

ALMATY. QazAqparat - Almaty áýejaıynda shetel azamattarynan tasymal qyzmeti úshin qomaqty qarjy alǵan taksı júrgizýshisi bes táýlikke qamaýǵa alyndy, dep habarlaıdy QazAqparat tilshisi.

Almaty qalasy mamandandyrylǵan aýdanaralyq ákimshilik sotynyń málimetinshe, sot M-niń buryn Ákimshilik quqyq buzý kodeksiniń 449-baby boıynsha ákimshilik jaýapqa tartylǵanyn anyqtady.

M. 2023 jyldyń 21 mamyrynda Almaty halyqaralyq áýejaı aýmaǵynda qoǵamdyq tártipti buza otyryp, Úndistan azamaty V-ǵa tasymaldaý qyzmetin kórsetý maqsatynda onyń mazasyn alǵan.

Sot otyrysynda M. kinásin moıyndap, ókinetinin aıtty.

«Sot M-ny kináli dep tanyp, oǵan 5 táýlikke ákimshilik qamaýǵa alý túrindegi jaza taǵaıyndady»,- dep habarlady Almaty qalalyq sotynyń baspasóz qyzmeti.

Sot sheshimi zańdy kúshine engen joq.

Eske salaıyq, 21 mamyr kúni taksı júrgizýshisi Almaty halyqaralyq áýejaıynan Úndi elinen kelgen týrısterdi qonaq úıge deıin 800 dollarǵa jetkizgenin jazǵan bolatynbyz.

Osyndaı alaıaqtyq jolmen ol mamyrdyń basynda Germanııadan kelgen týrısten 400 eýro ıemdengen edi.