Almatyda shetel jýrnalısteri referendým ýchaskesine akkredıtatsııasyz kirip ketken

ALMATY. QazAqparat- Qaladaǵy ýchaskelerdiń birine reseılik buqaralyq aqparat quraldarynyń ókilderi akkredıtatsııasyz kelgen. Bul týraly Almaty aýmaqtyq referendým komıssııasynyń tóraǵasy Janna Asanova aıtty, dep habarlaıdy QazAqparat tilshisi.

«Qandaı da bir túsiniksiz jaǵdaılar bolǵan joq. Alaıda sheteldik BAQ ókilderi ýchaskelerdiń birine akkredıtatsııasyz kelgeni belgili boldy. Bul – reseılik uıymnyń ókilderi. Olar ýchaskege jiberilgen joq. Sheteldik BAQ ókilderi Qazaqstanda ortalyq saılaý komıssııasynda nemese Syrtqy ister mınıstrliginde aldyn ala akkredıttelýge tıis», - dedi Janna Asanova brıfıng barysynda.

Aıta ketsek, Almatyda 1,1 mln astam adam daýys berýge quqyly. Megapolıste 574 referendým ýchaskesi ashyq.

Referendým ýchaskesine alǵashqylardyń biri bolyp Almaty qalasynyń ákimi Erbolat Dosaev jubaıymen birge keldi. Olar Mánshúk Mámetova atyndaǵy №28 mektep-lıtseıde ornalasqan №358 referendým ýchaskesinde daýys berdi.