Almatyda sheneýnik memlekettik páterlerdi arzan baǵaǵa týystaryna úlestirgen

ALMATY. QazAqparat - Almaty qalasy №2 Medeý aýdandyq soty «Almaty qalasy ákimdiginiń kúrdeli qurylys kásiporny» JShS dırektory R. Baıtasovqa úkim shyǵardy, dep habarlaıdy QazAqparat.

Antıkor málimetinshe, ol 4 jylǵa bas bostandyǵynan aıyrylǵan.

Baıtasov 23 memlekettik páterdi óziniń týystary men tanystaryna tómen baǵaǵa zańsyz satý arqyly laýazymdyq ókilettigin asyra paıdalandy dep aıyptaldy.

Bul «Almaty» ÁKK» AQ qyzmetinde sybaılas jemqorlyq táýekelderin syrttaı taldaý barysynda anyqtalǵan.

Memleketke kelgen zalal somasy 388 mln teńgeden asty.

Sottalýshy memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan ómir boıyna aıyryldy.

Úkim zańdy kúshine engen joq.