Almatyda shamamen 20 mlrd teńge áleýmettik jáne ınfraqurylymdyq jobalarǵa baǵyttalady

ALMATY. QazAqparat - Almatyda qalalyq máslıhattyń sessııasynda jergilikti bıýdjetti naqtylaý máseleleri qaraldy, dep habarlaıdy QazAqparat tilshisi.

Almatyda jumys isteıtin jastardyń ómir súrý jaǵdaıyn jaqsartý, kóp balaly jáne az qamtylǵan otbasylar men halyqtyń áleýmettik álsiz toptaryn qoldaý, sondaı-aq jańa bıznes ıdeıalardy júzege asyrýǵa, memlekettik granttarǵa respýblıkalyq bıýdjetten qosymsha 11,6 mlrd teńge bólindi.

Jergilikti bıýdjetke sáıkes, áleýmettik jáne ınfraqurylymdyq jobalardy júzege asyrýǵa jumsalatyn qarjy kólemi 19,6 mlrd teńgeni quraıdy. Bul qala ákiminiń Almatyny damytý jónindegi shetsiz qala qaǵıdaty boıynsha bergen tapsyrmalarynyń biri.

Sonymen, bilim berýge 1,2 mlrd teńge bólinedi (202 mektepke arnalǵan oqýlyqtar satyp alý, № 40 mektepti seısmıkalyq nyǵaıtý, Bostandyq aýdanyndaǵy sóıleý qabileti buzylǵan balalarǵa arnalǵan № 9 mektep-ınternat, Bostandyq aýdanyndaǵy № 190 jańa balabaqsha men kúndizgi balalar baqshasyn jabdyqtaý. Túrksib aýdandaryndaǵy № 187, Túrksib, Bostandyq jáne Medeý aýdandaryndaǵy 17 bóbekjaı-balabaqshalaryna aǵymdaǵy jóndeý úshin).

Densaýlyq saqtaýǵa - 180,5 mln teńge (qaterli isikpen aýyratyn 10 naýqasty dári-dármekpen qamtamasyz etý), áleýmettik salaǵa - 616,5 mln teńge (memlekettik ataýly áleýmettik kómekti qarjylandyrýǵa, jeti aýdanda «Іsker ana» ortalyǵyn ashýǵa, Bostandyq aýdanynda belsendi uzaq ómir súrý ortalyǵyn ashýǵa jáne Áýezov aýdanyndaǵy belsendi ómir súrý ortalyǵyn jabdyqtaýǵa, Alataý aýdandyq áleýmettik ál aýqat bólimin «Open space» formatynda kóshirý úshin jabdyqtaý).

Sondaı-aq, energetıka nysandary men turǵyn úı-kommýnaldyq sharýashylyqty damytýǵa - 3 mlrd teńge qarastyryldy, (onyń ishinde: sýmen jabdyqtaýǵa - 373,5 mln teńge, jaryqtandyrý - 2,3 mlrd teńge, turǵyn úı men jelilerine - 270 mln teńge).

Joldar men kólik ınfraqurylymyna 1 mlrd teńge bólinedi (11 aýdandaǵy joldardy jobalaý jáne salý, trolleıbýs jelilerin jańǵyrtý jáne damytý, jańa baǵyttardyń ashylýy, jeti kósheni ortasha jóndeý).

701,3 mln teńgeni qoǵamdyq qaýipsizdikti qamtamasyz etýge - 1,6 mlrd teńge (statsıonarlyq jáne mobıldi polıtsııa beketterin daıyndaýǵa), bıznesti damytýǵa - 4,6 mlrd teńge qarastyryldy.