Almatyda shahmattan Qazaqstan quramasyn saltanatty túrde qarsy aldy

ALMATY. QazAqparat – Qazaqstan quramasy dúnıejúzilik shahmat olımpıadasy ótken Úndistannyń Chennaı qalasynan Almatyǵa oraldy, dep habarlaıdy QazAqparat Habar 24 arnasyna silteme jasap.

Shahmatshy qyzdar dúnıejúzilik olımpıadanyń qorytyndysy boıynsha 5-oryndy ıelendi. Buǵan deıin habarlaǵanymyzdaı, qazaqstandyqtar esebinde segiz jeńis, bir teń oıyn jáne eki jeńilis bar.

Sonymen qatar, Jansaıa Ábdimálik qola júldeger atandy.

Sportshylar qoldaý kórsetip, jyly qabyldaǵan otandastaryna alǵys bildirdi.

«Meniń oıymsha, 188 eldiń ishinde úshinshi jáne besinshi oryndarǵa ıe bolý – zor jetistik, bul – Dúnıejúzilik shahmat olımpıadasyndaǵy eń jaqsy jetistik. Qoldap kelgenderdiń barlyǵyna alǵys aıtamyz», - dedi shahmattan Qazaqstan Respýblıkasy áıelder quramasynyń múshesi Gúlishan Nahbaeva.

Vıdeodan alyn ǵ an kadr