Almatyda shahmattan álem chempıonaty ótedi

ALMATY. QazAqparat – Almatyda shahmattyń rapıd jáne blıts túrlerinen 2022 jylǵy Álem chempıonaty ótedi. Bul týraly qalalyq ákimdiktiń baspasóz qyzmeti málim etti, dep habarlaıdy QazAqparat tilshisi.

Ákimdik taratqan málimetke, sáıkes jarys 25-30 jeltoqsan aralyǵynda Balýan Sholaq atyndaǵy sport jáne mádenıet saraıynda ótedi.

Oǵan 50 memleketten 300-ge jýyq shahmatshy keledi. Ashyq týrnırlerge 176 er men 98 áıel qatysady. Chempıonattyń jeńiske úmitkerleri qazirgi álem chempıony Magnýs Karlsen (Norvegııa, jeltoqsandyq tizimdegi reıtıngi 2859, Hıkara Nakamýra (AQSh, 2768), Fabıana Karýana (AQSh, 2766), ıAn Nepomnıaşıı (FIDE, 2793), Anısh Gırı (Nıderland, 2764), Aleksandr Grışýk (FIDE, 2745), Shahrııar Mamedıarov (Ázerbaıjan, 2740), ıAn-Kshıshtof Dýda (Polsha, 2729), ıÝı ıAnı́ (Qytaı, 2728), qazirgi chempıon Maksım Vashe-Lagrav (Frantsııa, 2737 - Blıts), sonymen qatar basqa da ataqty shahmatshylar qatysady.

Áıelder arasynda Aleksandra Gorıachkına (FIDE, 2584), Katerına Lagno (FIDE, 2563), Hampı Konerý (Úndistan, 2572), Tan Jongýı (Qytaı, 2518), Nana Dzagnıdze (Grýzııa, 2517), Harıka Dronavalı (Úndistan, 2507), Jansaıa Abdýmalik (Kazaqstan, 2496), Sarasadat Hamedalshareh (Iran, 2490), Antoaneta Stefanova (Bulǵarııa, 2442), qazirgi chempıondar Aleksandra Kosteınıýk (FIDE, 2520 - rapıd) jáne Bıbisara Asaýbaeva (Kazahstan, 2440) sııaqty dańqty sportshylar jáne de basqa da myqty shahmatshylar oınaıdy.

Ashyq chempıonatqa qatysý úshin reıtıng 2550-den kem bolmaý kerek, áıelder arasynda 2250-den kem emes. Sonymen qatar qazirgi ulttyq chempıondar reıtıngten tys, FIDE prezıdenti tarapynan 10 nomınant, uıymdastyrýshylar tarapynan 15 nomınant (ashyq týrnır) jáne 10 nomınant (áıelder týrnıri úshin) qatysa alady.

Júlde qory - 1 mıllıon dollar.