Almatyda servıstik polıtsııanyń pılot jobasy qalaı iske asyp jatyr

ALMATY. QazAqparat - Almaty ákiminiń orynbasary Erjan Babaqumarovtyń tóraǵalyǵymen Almatyda servıstik polıtsııany engizý jónindegi jumys tobynyń otyrysy, ótti dep habarlaıdy QazAqparat tilshisi.

Otyrys barysynda «Qoǵamdyq qaýipsizdikti qamtamasyz etýdegi servıstik tásil» pılottyq jobasyn iske asyrý barysy qaraldy.

Aıtý kerek, qazirgi ýaqytta servıstik polıtsııanyń pılottyq jobasy Alataý aýdany aýmaǵynda júzege asyrylýda.

Basty maqsat – jergilikti turǵyndarmen áriptestik arqyly qoǵamdyq qaýipsizdik deńgeıin arttyrý.

Otyrysta quqyq tártibin qamtamasyz etý máselelerin sheshý jónindegi arnaıy vedomstvoaralyq toptyń jumysy týraly esep tyńdaldy.

Budan basqa, jańa formattaǵy jumystyń týyndaǵan máselelerin sheshý jónindegi sharalar qaraldy.

Sondaı-aq, adam quqyqtary jónindegi Hartııanyń atqarýshy dırektory, Prezıdent janyndaǵy ulttyq qoǵamdyq senim keńesiniń múshesi Jemis Turmaǵambetova, sondaı-aq Alataý aýdany ákiminiń shtattan tys keńesshisi, Alataý aýdany JPQ PB-nyń qoǵamdyq polıtsııa kómekshisi Ásel Jumaǵalıeva óz usynystaryn aıtty.

Almaty qalasy ákiminiń orynbasary Erjan Babaqumarov otyrystyń jumysyn qorytyndylaı kelip, jobany iske asyrý barysynda áleýmettik saýalnamanyń aldyn ala tujyrymdary men qoǵam qaıratkerleriniń usynystaryn eskerýdi tapsyrdy.