Almatyda sel júrý qaýpinen keıin úsh shaǵyn aýdan aýyz sýsyz qaldy
11:35, 15 Tamyz 2019
ALMATY. QazAqparat - Naýryzbaı aýdanynda sel júrý qaýpi saldarynan Almatydaǵy Qarǵaly, Taý samaly, Quramys shaǵyn aýdandary aýyz sýsyz qaldy, dep habarlaıdy QazAqparat tilshisi.
«Qarǵaly ózeni - Qarǵaly, Taý samaly, Quramys yqsham aýdandaryn aýyz sýmen qamtamasyz etetin negizgi kózi bolyp sanalady. Qarǵaly ózeniniń laılanýyna baılanysty ózennen sý alý toqtatyldy», - delingen Naýryzbaı aýdany ákimdigi taratqaen habarlamada.
Aýdan basshylyǵy atap ótkendeı, ortalyqtandyrylǵan sýmen qamtamasyz etý ýaqytsha shektetiledi. Qarǵaly, Taý samaly, Quramys yqshamaýdandaryna sý qaladan jetkiziledi. Oǵan kommýnaldyq qyzmetterdiń arnaıy sý tasıtyn kólikteri jumyldyryldy.