Almatyda saılaý zańnamaǵa sáıkes ótti - baıqaýshy

ALMATY. QazAqparat - Qalalyq baspasóz ortalyǵynda ótken brıfıngide Almaty qalasynyń aýmaqtyq kásipodaqtar birlestigi baıqaýshylar shtabynyń múshesi Almagúl Ákimova QR Parlamenti Májilisi men barlyq deńgeıdegi máslıhattar depýtattarynyń kezekti saılaýynda shtabtyń júrgizgen jumys týraly aıtyp berdi, dep habarlaıdy QazAqparat tilshisi.

«Qazaqstan Respýblıkasy Parlamenti Májilisi men Almaty qalasynyń máslıhatyna saılaýdyń qorytyndysy boıynsha Almaty qalasy aýmaqtyq kásipodaqtar birlestiginiń baıqaýshylary eshqandaı júıeli buzýshylyqtardy anyqtaǵan joq. Saılaý tıisti zańnamaǵa sáıkes ótti», - dedi ol.

Sonymen qatar, ýchaskelerde bolǵan birli-jarym jaǵdaı sheshimin tapqan.

«Birli-jarym jaǵdaılar boldy. Eki ýchaskede baqylaýshylardy PTR testisi ázirlengen klınıka tiziminde bolmaýyna baılanysty kirgizbedi; másele aýmaqtyq saılaý komıssııasyna júgingennen keıin sheshildi. Sondaı-aq, saılaý protsesine qatysýshy emes jeke tulǵalar boldy, olar kásipodaqtardyń baıqaýshylaryna dórekilik tanytyp, qujatyn talap etti. Sondaı - aq, úsh saılaý ýchaskesinde baıqaýshylarǵa oryn bolmady, alaıda, ýchaske tóraǵasyna júgingennen keıin bul másele tez sheshildi», - dep habarlady Almagúl Ákimova.

Almagúl Ákimova baıqaýshylardyń da, saılaý ýchaskeleri músheleriniń de joǵary quzyrettiligin atap ótti.

«Bizdiń baıqaýshylar saılaý protsesterin adal jáne beıtarap baqylap otyrdy»,- dep qortyndylady ol.