Almatyda saılaý protsesi shtattyq rejımde ótip jatyr — Frantsýz baıqaýshysy

ALMATY. QazAqparat - Almatyda saılaý protsesi shtattyq rejımde ótip jatyr. Bul týraly baspasóz ortalyǵynyń alańynda baıqaýshy, Frantsııa Respýblıkasynyń Senatory, Eýropalyq ister jónindegi turaqty komıtet tóraǵasynyń orynbasary, Zańnama jónindegi turaqty komıtettiń hatshysy Andre Marsel Reıshard aıtty, dep habarlaıdy QazAqparat tilshisi.

«Qazaqstan Eýropalyq Odaqtyń qyzyǵýshylyǵyn týdyrady, óıtkeni Reseı Federatsııasy men Qytaı Halyq Respýblıkasy sııaqty iri eldermen kórshiles ornalasqan», - dedi spıker. Andre Marsel Reıshar Qazaqstan qazir damýdyń óte mańyzdy kezeńinen ótip jatqanyn aıtty. «Qazir Qazaqstan halqy daýys berý arqyly eldiń bolashaǵy týraly óz sheshimin qabyldaýda», - dedi spıker. Andre Marsel Reıshar tańerteń Almatydaǵy tórt saılaý ýchaskesine baryp úlgergenin, tústen keıin taǵy sonsha saılaý ýchaskesine barýdy josparlap otyrǵanyn málim etti. «Men saılaý protsesiniń ótýin qalypty dep baǵalaımyn, bári qalypty rejımde júrip jatyr. Protsess standartty bolyp tabylady: adam keledi, jeke kýálikti kórsetedi jáne jergilikti saılaý komıssııasy ony saılaýshylar tiziminen tekseredi, sodan keıin ol qol qoıady, sodan keıin ǵana oǵan bir suraq bar bıýlleten berilediEń bastysy, prıntsıpti saqtaý úshin bári jasalýda: bir saılaýshy – bir daýys», - dedi Andre Marsel Reıshard.