Almatyda saılaý kúni múmkindigi shekteýli jandar úshin ınvataksı uıymdastyryldy

ALMATY. QazAqparat - Almatyda QR Eńbek jáne halyqty áleýmettik qorǵaý mınıstrliginiń úılestirý keńesiniń múshesi, I toptaǵy múgedek Ulan Inkarbekov saılaý ýchaskesine ınvataksımen keldi, dep habarlaıdy QazAqparat tilshisi.

Ulan Inkarbekov ınvataksı kóligi jaıynda oıyn aıtty.

«Búgingi saılaý óte qarqyndy ótýde. Men jańa ǵana ózimniń saılaý ýchaskemde daýys berdim. Eshqandaı buzýshylyqtar joq, adamdardyń daýys berýge birtindep kelip jatqanyn kóremin. Múgedekterge eshqandaı kedergi joq, meni ýchaskege deıin arnaıy kólikpen alyp keldi. Kabına óte qoljetimdi boldy. Kórý qabileti nashar adamdarǵa arnalǵan úlkeıtkish áınek, zaǵıptarǵa arnalǵan Braıl trafareti bar ári ishi keń. Men óz arbammen emin-erkin kirip-shyqtym. Saılaý ýchaskesiniń qyzmetkerleri meni óte jaqsy qarsy aldy»,- dedi Ulan Inkarbekov.

Eske salaıyq, Almatyda saılaý kúni 54 ınvataksı qyzmet etetinin habarlaǵanbyz.