Almatyda saılaý barysyn 3 myńnan astam jergilikti baıqaýshy qadaǵalap otyr
Saıasattanýshy, tarıhshy, saıası belsendi Talǵat Janysbaıdyń sózinshe, qoǵamdyq baqylaýshylardyń basty maqsaty – jastardyń saılaý protsesine qatysý belsendiligin, olardyń saıası saýatyn arttyrý.
Aıtýynsha, megapolıste saılaý barysyn 3 myńnan astam jergilikti baıqaýshy qadaǵalap otyr.
Táýelsiz baıqaýshylar 531 saılaý ýchaskesin qamtydy. Osy saǵatqa deıin saılaý zańnamasyn buzý faktileri anyqtalǵan joq.
«Biz táýelsiz baqylaýshy retinde birinshi ret shyǵyp otyrǵan joqpyz. Bıyl áleýmettik jeliler men BAQ arqyly búkil belsendilerdi komandamyzǵa qosylýǵa ashyq túrde shaqyrdyq. Búgingi saılaý – el bolashaǵyn aıqyndaıtyn oqıǵa», – dedi Talǵat Janysbaı.
«El erteńi» birlestiginiń quramyndaǵy árbir baıqaýshy saılaýǵa bir aı qalǵanda saılaý zańnamasyn, azamattyq qoǵammen ózara árekettesý formalary men ádisterin, sondaı-aq saılaý zańnamasyn buzǵany úshin qandaı jaýapkershilik kózdeletinin bilip, zerttedi.
Bloger, jýrnalıst Anastasııa Ýlchenko qala turǵyndaryn kún aıaqtalǵansha saılaý ýchaskelerine kelip, daýys berýge shaqyrdy.
«Táýelsiz baıqaýshy bolǵan sebebim - saılaý barysyna kúmánmen qaraıtyn adamdarǵa ádildik bar ekenin, saılaýdyń qalaı ótetinin kórsetý boldy», - dedi bloger.