Almatyda saıabaqtar men bazarlarǵa kelýshiler tek maskamen ǵana kire alady

ALMATY. QazAqparat – Saıabaqtar men bazarlarǵa azamattar maskamen ǵana kirgiziletin bolady. Bul týraly onlaın brıfıng barysynda Jandarbek Bekshın málim etti, dep habarlaıdy QazAqparat tilshisi.

«Koronavırýs ınfektsııasynyń taralýyn odan ári toqtatý jónindegi shtab halyq jappaı baratyn oryndarǵa, atap aıtar bolsam saıabaqtar men bazarlarǵa, saýda ortalyqtaryna azamattardy tek maskamen kirgizý týraly sheshim qabyldady», - dedi Jandarbek Bekshın.

Onyń aıtýynsha, koronavırýs ınfektsııanyń aldyn alý boıynsha únemi túsindirý jumystary júrgizilip otyrady.

«Profılaktıkalyq sharalar týraly bannerler jańartylady: áleýmettik araqashyqtyqty saqtaý, maska taǵý», - dedi ol.