Almatyda sáýletti jeke úı ıeleri memleketke 36 mln teńge bereshek

ALMATY. QazAqparat - Almatyda elıtalyq úıde turatyndardyń salyqtyq qaryzy 36 mln teńgege jetken, dep habarlaıdy QazAqparat tilshisi.

Eger jaqyn arada olar bereshegin ótemese, quzyrly organdar olardyń atyn atap, túsin tústeýge daıyn. Bul týraly Medeý aýdandyq memlekettik kirister departamenti habarlady.

Mamandardyń aıtýynsha, boryshkerlerdiń arasynda Qazaqstanǵa belgili tulǵalar da jeterlik.

Jeke tulǵalardyń salyqtyq boryshy qupııa emes bolǵandyqtan, 1 shildeden bastap atalǵan tulǵalardyń esimi jalpaq jurtqa jarııa etiletin bolady.

«Kóktóbede ornalasqan aýmaǵy 1568,5 sharshy metr, quny 132,6 mln teńge bolatyn úıdiń qojaıyny bıýdjetke 1,6 mln teńge qaryz. Mundaı mysaldar kóp. Tipti  arasynda birneshe úıdiń ıeleri de bar. Eger 1 shildege deıin salyq tólenbegen jaǵdaıda is materıaldary sot organdaryna beriletin bolady. Sondaı-aq, bank operatsııalary boıynsha, shet elge shyǵýǵa shekteý qoıylady», - dedi Medeý aýdandyq basqarmasynan.

Qazirgi tańda basqarma mamandary múlik pen jer salyǵyn tóletý boıynsha jumys jasap jatyr.