Almatyda saýda jelileri qansha shyǵynǵa batty

NUR-SULTAN. QazAqparat – Saýda jelileri odaǵy Almatydaǵy tártipsizdikter kezindegi reteılerdiń shyǵyndaryna qatysty aldyn ala málimetterdi usyndy, dep habarlaıdy QazAqparat tilshisi.

«Reteılerdiń naqty shyǵyny qansha ekendin naqtylaý ázirshe qıyn. Esepteý, naqtylaý qajet», - dedi odaq múshesi Dmıtrıı Shıshkın.

Onyń dereginshe, saýda jelileriniń shyǵyndaryna qatysty aldyn ala málimetter mynadaı:

Magnum, Magnum Cash&Carry JShS – jalpy 23 dúken búlindi. Onyń ishinde 12 dúken tonalyp, 13-i zaqymdandy. Aldyna ala jalpy shyǵyn shamamen 8,5 mlrd teńgeni (QQS-ty qosqanda 10 mlrd teńge) quraıdy.

Tehnodom, Technodom Operator JShS – Almaty men Taldyqorǵanda 14 dúken zardap shekti. Shyǵyn – 5,5 mlrd teńge.

Sulpak, Arena S JShS - Almatyda 11 dúken tonaldy. Shyǵyn - 5,14 mlrd teńge

Gulser Computers, Alser JShS –Almatydaǵy 7 dúken 1 mlrd teńge zardap shekti.

«Sportmaster Qazaqstan» JShS, «Ostın» JShS – Oral, Almaty jáne Shymkette 20-25 dúken búlindi. Keltirilgen shyǵyn 3 mlrd teńgege baǵalanyp otyr.

Mon Amie – Almatyda 8 dúkenine shabýyl jasaldy. Shyǵyn eseptelip jatyr.

Intertop, Evrıka - shyǵyn 50 mln teńge shamasynda.

Alser - shyǵyn 1,5 mlrd teńge.

TOO K&K GmbH, Kimex/Gracie - Almatyda 11 dúkeni búlindi, shyǵyn - 1 mlrd teńge.