Almatyda saýda ortalyqtarynyń birine bomba qoıylǵany týraly habar tústi

ALMATY. QazAqparat - Almatyda Sátbaev kóshesiniń boıyndaǵy saýda, oıyn-saýyq ortalyqtarynyń birinde bobma qoıylǵany týraly habarlama tústi, dep habarlaıdy QazAqparat tilshisi.

Bomba qoıylǵany týraly habarlamaǵa baılanysty ortalyqtyń qyzmetkerleri men qonaqtary evakýatsııalandy.

Almaty qalalyq polıtsııa departamenti atalǵan saýda úıine qalanyń shuǵyl jáne jedel qyzmetteri jetkenin habarlady. Qazirgi ýaqytta saýda úıiniń personaly men kelýshileri syrtqa evakýatsııalandy.
«Qazirgi ýaqytta saper bólimsheleri saýda úıiniń ǵımaratyn tekserip jatyr. Qalanyń barlyq turǵyndary men qonaqtaryn jasalyp jatqan qaýipsizdik sharalaryna túsinistikpen qaraýdy suraımyz», - dep habarlady qalalyq polıtsııa departamentiniń baspasóz qyzmeti.