Almatyda saýda ortalyqtarynyń birinde jarylǵysh zat qoıylǵany úshin kelýshiler evakýatsııalandy

ALMATY. QazAqparat - Almatyda Áýezov aýdanynda ornalasqan saýda ortalyǵyna jarylǵysh zat qoıylǵany týraly habar tarady, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, búgin saǵat 09:47-de Áýezov aýdanynda ornalasqan saýda ortalyqtarynyń birine jarylǵysh zattyń qoıylǵany týraly habarlama tústi.

«Atalǵan nysanǵa qalanyń shuǵyl jáne jedel qyzmetteri tartyldy. Alǵashqy áreket etý sharasy aıasynda saýda úıiniń qyzmetkerleri men kelýshileri evakýatsııalandy. Sharaǵa sondaı-aq saper bólimsheleri tartyldy», - dep habarlady qalalyq polıtsııa departamentiniń baspasóz qyzmeti.

Komıssııalyq tekseris saǵat 11:30-da aıaqtaldy. Jarylǵysh zat tabylǵan joq. Anonımdi túrde habar taratqan tulǵa anyqtalyp jatyr. Ol ary qaraı jaýapqa tartylatyn bolady.

Eske salsaq, Almatyda buǵan deıin de saýda ortalyǵy men qonaq úıge bombanyń qoıylǵany týraly habarlaǵanbyz.

Eki jerden de izdeý sharalary nátıjesinde jarylǵysh zattar tabylǵan joq bolatyn.