Almatyda sanaqtan 2 mıllıonnan astam adam ótti
Ulttyq statıstıka bıýrosynyń baspasóz qyzmeti usynǵan derekke sáıkes, Almaty turǵyndarynyń sany búginde 2 005 496 adamdy quraıdy.
«Búgingi tańda Almaty qalasynyń jalpy turǵynynyń 2 mln 86 myń 769-y sanaqtan ótti. Bıylǵy jyldyń 24 qazanyndaǵy jaǵdaı boıynsha, onlaın sanaqtan 626 605 adam ótti, 25 qazandaǵy jaǵdaı boıynsha, 1 462 935 almatylyq oflaın rejımde ótti», - dep túsindirdi vedomstvodan.
Almatynyń halyq eń tyǵyz qonystanǵan aýdany – Bostandyq aýdany, onda 361 609 adam turady. Turǵyndardyń eń az sany jańa Naýryzbaı aýdanynda turady – 159 115 adam.
Aıta keteıik, Qazaqstanda halyq sanaǵynan onlaın ótý merzimi uzartyldy.
Sanaq saýaldaryna arnaıy sanaq.gov.kz saıty, E-Gov portaly arqyly tirkelip nemese Aitu mobıldik qosymshasy arqyly jaýap berýge bolady. Onlaın ótý múmkindigi halyq sanaǵy aıaqtalǵanǵa deıin qoljetimdi bolmaq.
1 qazannan bastap ıntervıýerler úı-úıdi aralaýdy bastady. Onlaın ótken respondentter telefonǵa kelgen SMS-habarlamany ıntervıýerlerge kórsetýi tıis. Olar saýalnamadan qaıta ótpeıdi.