Almatyda salynyp jatqan metro stansasyna Baýyrjan Momyshulynyń esimin berý usynyldy

ALMATY. QazAqparat - Baqytjan Saǵyntaev «Dostyq» metro stansasynyń ataýyn ózgertip, oǵan Baýyrjan Momyshulynyń atyn berýdi usyndy, dep habarlaıdy QazAqparat tilshisi.

Baqytjan Saǵyntaev Facebook paraqshasynda Qala kúni qarsańynda máslıhatqa qoǵamda talqylanyp jatqan máselelerdi sheshý týraly usynys engizgenin jzdy.

«Bul Almaty metropolıteninde salynyp jatqan eki stansanyń ataýyn ózgertýge qatysty», - dep jazdy Baqytjan Saǵyntaev.

«Dostyq» stansasyna Baýyrjan Momyshulynyń esimin berý usynylady.

Bolashaqta «Zapadnyı» avtovokzaly atalýy tıis stansany «Qarasaı» dep ózgertý kózdelip otyr.

Dostyq beketi Abaı dańǵyly men Momyshuly kóshesiniń qıylysynda salynyp jatyr.

Onyń tehnıkalyq iske qosylýy osy jyldyń sońyna josparlanǵan.

«Zapadnyı» avtovokzal beketi Almaty oblysy Qarasaı aýdanynyń shekarasynda salynady.