Almatyda salynatyn jańa saıabaqta qutqarýshylar alleıasy ashylady

ALMATY. QazAqparat- Almatyda salynatyn jańa saıabaqta qutqarýshylar alleıasy ashylady, dep habarlaıdy QazAqparat tilshisi.

Almaty qalalyq jasyl ekonomıka basqarmasynyń málimetinshe, Bógenbaı batyr kóshesiniń boıynda S.Muqanov pen Esentaı ózeni aralyǵynda jańa saıabaqtyń qurylysy bastaldy. Qalalyq Tótenshe jaǵdaılar departamentiniń ótinishi boıynsha ol jerde qutqarýshylar alleıasy paıda bolady.

«Saıabaqta kelýshilerge barlyq jaǵdaı jasalady - jaıaý júrginshiler joly tóselip, oryndyqtar ornatylady. Odan bólek, japyraqty aǵashtar otyrǵyzylady. Atap aıtqanda, úıeńki, eren, jóke. Sonymen qatar, qutqarýshylardyń qurmetine arnalǵan monýment paıda bolady «, - dep atap ótti basqarmadaǵylar.

Saıabaqtyń qurylysy jazdyń basynda aıaqtalady dep kútilýde.