Almatyda salyq tólemeı júrgen memqyzmetshilerdiń reıtıngi shyqty

ALMATY. QazAqparat - Almaty qalalyq Memlekettik kirister departamenti salyq tólemeı júrgen memqyzmetshilerdiń reıtıngin jasady, dep habarlaıdy QazAqparat tilshisi.

Departament mamandarynyń aıtýynsha, qalada tólenbegen salyǵy 300 myń teńgeden asatyn 2 myń boryshker bar.

Múliktik salyǵy qordalanǵan tulǵalardyń arasynda memlekettik qyzmetshiler de bar.

Atap aıtqanda, boryshkerlerdiń kóshin áskerı bólimderde qyzmet etip jatqandar bastap keledi. 496 áskerı qyzmetshi 8,3 mln teńge kóleminde salyq tólemegen. Kelesi orynda Almaty polıtsııasynyń qyzmetkerleri tur. 361 polıtseıdiń 11,3 mln teńge qaryzy qordalanyp qalǵan. 74 jergilikti atqarýshy organynyń qyzmetkeri - 2,5 mln teńge, Ulttyq banktiń 47 qyzmetkeri 1,4 mln.teńge bereshek», - dedi baspasóz qyzmetinen.

Memlekettik kirister departamenti osy qyzmetkerlerdiń jumys ornyna arnaıy habarlama jiberdi.

2017 jyldan bastap jeke tulǵalar múlik pen jer salyǵyn ózgergen merzimmen tóleıtin boldy. ıAǵnı, 2017 jylǵy salyqty 2018 jyldyń qazanyna deıin tóleýi tıis. Al kólik salyǵy burynǵydaı esepti jyldyń 31 jeltoqsanyna deıin tólenýi tıis.