Almatyda rýli ońnan sol jaqqa aýystyrylǵan armenııalyq alǵashqy kólik tirkeldi

ALMATY. QazAqparat – Almatyda Qaraǵandy qalasynyń turǵyny Armenııadan ákelingen kóligin tirkedi, onyń rýli ońnan solǵa aýystyrylǵan, dep habarlaıdy QazAqparat tilshisi Polisia.kz.silteme jasap.

«Qaraǵandy qalasynyń turǵyny Mamandandyrylǵan halyqqa qyzmet kórsetý ortalyǵyna «Jolda qabyldaý» aktsııasy kezinde kelip, buryn rýli oń jaqta bolǵan mınıvenin tirkeý sharttarymen tanysty. Oǵan usynystar aıtyldy, nátıjesinde er adam synaq zerthanasyna júgindi. Sáıkestikke saraptama júrgizilgennen keıin avtokólik ıesine synaq hattamasy toltyrylyp, osy qujat negizinde qaraǵandylyqtyń avtokóligi resmı túrde tirkeldi. Sondaı-aq, sary tústi memlekettik tirkeý nómiri men tehnıkalyq pasport berildi. Aıtpaqshy, bul resmı tirkeýden ótken, qaıta jabdyqtalǵan rýldik júıesi bar alǵashqy kólik quraly», – dedi Almaty qalalyq Polıtsııa departamenti ákimshilik polıtsııa basqarmasy bastyǵynyń orynbasary Nurlan Amanbek.