Almatyda Respýblıka kúnine oraı memlekettik Týdy kóterý rásimi ótti
16:08, 25 Qazan 2022
ALMATY. QazAqparat - Respýblıka kúnine oraı Almatyda memlekettik Týdy kóterý rásimi ótti, dep habarlaıdy QazAqparat Almaty ákimdiginiń baspasóz qyzmetine silteme jasap.
«Medeý» bıik taýly kesheniniń alańynda Respýblıka kúnine oraılastyrylǵan «Patrıotızm daýysy» aktsııasy aıasynda memlekettik týdy kóterý jáne Ánuran oryndaýdyń saltanatty rásimi ótti.
Іs-sharaǵa Almaty ákimi Erbolat Dosaev, qoǵam qaıratkerleri, máslıhat depýtattary, stýdentter men áskerı qyzmetshiler qatysty.
Qala turǵyndary memlekettik ánurandy qalanyń barlyq segiz aýdanynda oryndady. Merekelik is-sharalar joǵary oqý oryndary, kolledjder men áskerı oqý oryndary stýdentteriniń qatysýymen «Qyran elim – Qazaqstan» fleshmobyna ulasty.
Saǵat 17:00-de «Astana» alańynda qazaqstandyq estrada juldyzdarynyń qatysýymen kontsert ótedi. Kontsertten keıin keshki saǵat 21:30-da merekelik salıýt bolady.