Almatyda Reseıden mıgranttar kóbeıgende ashylǵan HQO jabyldy

ALMATY. QazAqparat- «Azamattarǵa arnalǵan úkimet» memlekettik korporatsııasynyń Almaty qalasy boıynsha fılıaly Jetisý aýdanynda ashylǵan kúsheıtilgen HQO-nyń jumysyn toqtatty, dep habarlaıdy QazAqparat tilshisi.

«Qazirgi kezde shetel azamattary tarapynan JSN alýshylar qatary azaıýyna oraı, búginnen, ıaǵnı 8 qarashadan bastap Almatyda ashylǵan kúsheıtilgen HQO jabyldy. Endi sheteldikter JSN alý úshin kez kelgen HQO-ǵa nemese «Bank Tsentr Kredıt» bólimshelerine júgine alady»,- dep habarlady «Azamattarǵa arnalǵan úkimet» memlekettik mekemesiniń baspasóz qyzmeti.

Eske salaıyq, shetel azamattarynyń aǵylyp kelýine oraı, Halyqqa qyzmet kórsetý ortalyǵy kelýshilerge qolaıly jaǵdaı jasaý maqsatynda jeke sáıkestendirý nomerin rásimdeý úshin, «Qulager» yqshamaýdanynda kúsheıtilgen HQO ashqan bolatyn.