Almatyda «Qozgan inc.» qarjy pıramıdasy anyqtaldy

ALMATY. QazAqparat – Almaty qalasynda «Qozgan inc.» JShS retinde tirkelgen qarjy pıramıdasy anyqtaldy. Bul týraly QR Qarjy monıtorıngi agenttiginen málim etti, dep habarlaıdy QazAqparat.

Qarjy monıtorıngi agenttiginiń Almaty qalasy boıynsha departamenti «Qozgan inc.» JShS qarjy pıramıdasynyń qyzmetine tosqaýyl qoıdy. JShS ınvestıtsııalyq kompanııa atyn jamylyp, Qazaqstan Respýblıkasynyń tender alańynda memlekettik jáne jeke satyp alýlarǵa qatysyp kelgen.

«Uıymdastyrýshylar sengish azamattarǵa 105 kún ishinde salym somasynyń syıaqysy 5-ten 30 paıyzǵa deıin bolatyndaı, aqshalaı qarajatty tenderlik jobalarǵa salýdy usynǵan.

Salymshylardyń jalpy sany 100-den astam. Qarjy pıramıdasynyń qyzmetinen kelgen shyǵyn anyqtalýda.

Qazirgi ýaqytta «Qozgan Inc.» kompanııasynyń eki uıymdastyrýshysyna qatysty sotqa deıingi tergeý amaldary júrgizilip, 2 aıǵa deıin «qamaý» túrindegi bultartpaý sharasy sanktsııalandy.

QR QMA azamattardy qyraǵy bolýǵa jáne jınaqtaryn kúmándi qarjy ınstıtýttaryna salmaýǵa shaqyrady», - delingen agenttik málimetinde.