Almatyda «Qnet» qarjy pıramıdasyn basqarý faktisi boıynsha kúdikti ustaldy

ASTANA. QazAqparat - QR Qarjylyq monıtorıng agenttigi qarjy pıramıdalaryn joıý boıynsha júıeli jumysty jalǵastyrýda, dep habarlaıdy QazAqparat agenttiktiń baspasóz qyzmetine silteme jasap.

Baspasóz qyzmetiniń málimetterine qaraǵanda, QMA Almaty qalasy boıynsha departamenti qalalyq prokýratýramen birlesip ońtústik megapolıs aýmaǵynda «Qnet» qarjy pıramıdasyn basqarý faktisi boıynsha kúdiktini ustady. Ol azamattardan aqsha jınap, bireýiniń jarnalarynyń esebinen basqa qatysýshylardy baıytý maqsatynda qaıta bóldi.

Aıta ketý kerek, «Qnet» qyzmeti jelilik marketıng jáne elektrondyq kommertsııa túrinde jasyrylǵan. Birqatar shet elderde «Qnet» kompanııasy qarjy pıramıdasy bolyp tanyldy. Sondaı-aq, ony QR Qarjy naryǵyn retteý jáne damytý agenttigi qarjy pıramıdasynyń belgileri bar kompanııalar tizimine engizdi.

Almaty qalasynyń mamandandyrylǵan tergeý soty kúdiktige qatysty 2 aıǵa «qamaýda ustaý» túrindegi bultartpaý sharasyna sanktsııa berdi.

QR QPK-niń 201-babyna sáıkes ózge de aqparat jarııa etýge jatpaıdy.

Esterińizge sala keteıik, buǵan deıin elordada osyndaı qarjy pıramıdasyn qurý jáne basqarý faktisi boıynsha kúdikti ustalǵan bolatyn.

QMA azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyrady.

«Eger siz jáne sizdiń jaqyndaryńyz «Qnet» kompanısıaynyń qyzmetine tap bolsa, QMA call-ortalyǵyna habarlasýyńyzdy suraımyz»,-delingen habarlamada.