Almatyda psıhıkalyq damýy tejelgen balalarǵa arnalǵan sport ortalyǵy salynady

ALMATY. QazAqparat - Almatynyń Almaly aýdanynda psıhıkalyq damýy tejelgen balalarǵa arnalǵan basseıni bar sport ortalyǵy salynady. Bul týraly qala ákimi Erbolat Dosaev turǵyndarmen kezdesýi kezinde aıtty, dep habarlaıdy QazAqparat tilshisi.

«Raıymbek dańǵyly, 312 mekenjaıynda psıhıkalyq damýy tejelgen balalarǵa arnalǵan basseıni bar sport ortalyǵyn salý jobasy ázirlenip jatyr. Qurylysty 2024 jyly bastaý josparda», - dedi Erbolat Dosaev.

Sondaı-aq, qala basshysy Abaı men Masanshy kóshesiniń qıylysynda ornalasqan burynǵy temirjol aýrýhanasy ǵımaratynyń tarıhı kelbetin saqtaı otyryp, rekonstrýktsııalaý jumystary jalǵasyp jatqanyn tilge tıek etti.

«Munda zamanaýı balalardy ońaltýdyń qalalyq ortalyǵy ashylady. Bul jumys 2024 jyldyń IV toqsanynda aıaqtalady», - dedi ol.

Almaty ákimi jaqynda «Tastaq» shaǵyn aýdanynda «Shyńǵa órleý» áleýmettik klýbynyń ekinshi fılıaly ashylǵanyn eske saldy. Klýb turmysy tómen otbasylardyń balalaryna tegin qosymsha bilim alýǵa kómektesedi. Olardy zeınetker muǵalimder oqytady.