Almatyda prokýrorlardyń kásibı biliktiligin arttyrýǵa baǵyttalǵan semınar ótip jatyr

Y. Sáýirdiń 15-i. QazAqparat /Ádilet Musahaev/ - Almatyda QR Bas prokýratýrasy mamandary dárejesin kóterý ınstıtýty men Qazaqstandaǵy EQYU ortalyǵy birlesip «Qylmystyq is boıynsha sot úrdisindegi prokýrorlar qyzmetin jetildirý» taqyrybynda respýblıkalyq aımaqtyq semınar ótkizdi,

dep habarlaıdy QazAqparat.

QR Bas prokýratýra ınstıtýtynyń dırektory, zań ǵylymdarynyń doktory Sarqytbek Moldabaevtyń aıtýynsha, QR qylmystyq is júrgizý zańnamasyna ózgerister men tolyqtyrýlar engizý týraly zań qabyldanǵan. Osyǵan oraı prokýrorlarǵa júkteletin mindetter de arta túsken.

«Osyǵan oraı ótken jyly QR Bas prokýratýrasynyń keńeıtilgen alqa májilisinde, memlekettik aıyptaýshylar jumysyn nyǵaıtýǵa baǵyttalǵan keıbir is-sharalardy iske asyrý týraly sheshim qabyldanǵan. Olar bilikti mamandardy sheteldik sarapshylardy shaqyra otyryp, memlekettik aıyptaýshylardyń shaǵyn sot isi semınarlary men sheshendik sóz óneri sapasyn jaqsartý, kásibı deńgeıin arttyrýdyń aılyq kýrstaryn júrgizý bolyp tabylady. Qazirgi kúni osy sharalardy iske asyra otyryp prokýrorlardyń kásibı deńgeıin arttyrýda alǵa qaraı taǵy bir qadam jasap otyrmyz», deıdi S.Moldabaev.

Jıyn aıasynda sot protsesine qatysqan prokýrorlyq tájirıbedegi kókeıkesti suraqtar, alqa bıler sotyna daıyndyq, alqa bıler qatysýymen sot tergeýine prokýrordyń qatysýy, qylmystyq isterdi saraptaý, sot protsesinde óz pozıtsııasyn ázirleý jáne qasaqana kisi óltirý qylmystaryn dárejeleý sııaqty máseleler qaralyp, baıandamalar oqyldy.

Sáýirdiń 16-syna deıin jalǵasatyn semınar jumysyna QR men Reseı Federatsııasy Bas prokýratýrasynyń qurylymdyq bólimshe basshylary, memlekettik emes uıymdar men halyqaralyq mekemelerdiń ókilderi, alqa bıler isine monıtorıng jasaıtyn EQYU ókilderi qatysýda.