Almatyda praımerız qatysýshylarynyń pikirsaıysyna jerebe tartý rásimi ótti
«Nur Otan» partııasy Almaty qalalyq fılıaly tóraǵasynyń birinshi orynbasary Stanıslav Kankýrovtyń aıtýynsha, kópshilik pikirsaıysqa qatysýshylardyń jerebesi loto qaǵıdaty boıynsha onlaın rejımde ótkiziledi. Jerebe tartý rásimin kıno men teatrdyń tanymal akterleri Azamat Satybaldy men Gúlbahram Baıbosynova ótkizdi.
«Tikeleı efırde júrgizýshiler ashyq barabannan kezdeısoq nómirlerdi alyp shyǵardy, osy ýaqytta úlken ekranda kandıdattardyń derekteri alfavıttik retpen kórsetildi. Osylaısha, árbir qatysýshy tikeleı efırde «Nur Otan» partııasynyń Almaty qalalyq jáne aýdandyq fılıaldarynyń resmı akkaýnttarynda debatqa qatysý nómirin, ýaqyty men kúnin kóre aldy. Bul sharalar karantındik sharalardy qatań saqtaý qajettiliginen, sondaı-aq jerebe tastaý rásiminiń maksımaldy ashyqtyǵyn arttyrý maqsatynda týyndady», - dedi Kankýrov.
Jarııa pikirsaıys 14 qyrkúıekte bastalyp, 30 qyrkúıekte aıaqtalady.
Esterińizge sala keteıik, Almatyda 225 qatysýshynyń ishinen praımerızge áıelderdiń 35% - y, 35 jasqa deıingi jastardyń 32% - y, sondaı-aq erekshe qajettilikteri bar adamdar, kóp balaly analar, eriktiler jáne basqalar tirkelgen.
Úgit jumystary 7 qyrkúıekte bastaldy jáne búgingi kúni kandıdattar ZOOM arqyly bastaýysh partııa uıymdarynyń tóraǵalarymen onlaın-kezdesýler, karantındik normalardy qatań saqtaı otyryp, ashyq alańdarda jáne jeldetiletin úı-jaılarda oflaın kezdesýler arqyly 300-den astam is-shara ótkizdi.