Almatyda praımerız qatysýshylarynyń ashyq pikirtalasy bastaldy
Nur Otan partııasy Almaty qalalyq fılıalynyń baspasóz qyzmetiniń habarlaýynsha, búgin partııanyń 8 aýdandyq fılıalynda jarııa pikirtalas ótkiziledi. Loto qaǵıdaty boıynsha jańa formatta ótkizilgen jerebege sáıkes debatqa qatysýshylar toptarǵa bólindi.
«Almatyda pikirsaıysty ótkizýdiń belgilengen erejelerinen basqa, uıymdastyrýshylar áleýmettik jeliler arqyly qala turǵyndarynan ózekti suraqtar qoıý múmkindigin qarastyrǵanyn atap ótken jón. Ol úshin qala turǵyndary Nur Otan partııasy Almaty qalalyq fılıalynyń resmı akkaýnttarynda nemese aýdandyq fılıaldarda óz suraqtaryn jazýy qajet. Osylaısha, mundaı tásil halyqqa kandıdattardan azamattyq qoǵamnyń ózekti máselelerin iske asyrý boıynsha olardyń pikirlerin tyńdaýǵa múmkindik beredi», - dep habarlady Nur Otan partııasy Almaty qalalyq fılıalynyń baspasóz qyzmeti.
Nur Otan partııasy Almaty qalalyq fılıaly tóraǵasynyń birinshi orynbasary Stanıslav Kankýrovtyń aıtýynsha, praımerız ashyqtyq qaǵıdaty boıynsha ótýde. Tek myqtylar men laıyqty adamdar ǵana partııalyq tizimge enedi.
Aıta keteıik, Almaty shaǵyn jáne orta bıznes sýbektileri men úkimettik emes uıymdar ókilderiniń sany boıynsha kósh bastap tur.
Shaǵyn jáne orta bıznes sektory praımerızge qatysýshylardyń 50%-yn jáne 10%-dan astamyn ÚEU quraıdy.
Almaty qalasy boıynsha pikirsaıysqa barlyǵy 225 kandıdat qatysady.