Almatyda polıtsııa kıimimen bılegen TikTok-bloger jaýapqa tartyldy
15:03, 18 Qarasha 2020
ALMATY. QazAqparat– Almatylyq azamat polıtsııa qyzmetkeriniń nysandy kıimin zańsyz kıgeni úshin ákimshilik jaýapkershilikke tartyldy, dep habarlaıdy QazAqparat tilshisi.
Qalalyq Polıtsııa departamentiniń málimetinshe, vıdeo sıýjeti boıynsha polıtseıdiń kıimin kıgen jas jigit ótip bara jatqan adamdardy TikTok-ta ózimen bıleýge shaqyrǵan.
«Polıtsııa departamentiniń arnaıy toby áleýmettik jelilerge monıtorıng barysynda ishki ister organdary qyzmetkeriniń nysandy kıimin zańsyz paıdalaný faktisin anyqtady. Bul fakti boıynsha Almaly aýdandyq Polıtsııa basqarmasy quqyq buzýshynyń jeke basyn anyqtady. Ol QR Ákimshilik quqyq buzýshylyq týraly kodeksiniń 675-babymen nysandy kıimdi zańsyz kıip júrgeni úshin ákimshilik jaýapkershilikke tartyldy»,– dep habarlady polıtsııadan.