Almatyda polıtseılerdiń qoǵamdyq kómekshilerine 18 mln teńgege qoldaý kórsetildi
Jalpy, Almaty qalasynda polıtsııaǵa kómek kórsetetin segiz qoǵamdyq birlestik bar, barlyǵy 520 adam.
«Qalalyq polıtsııanyń qoǵamdyq kómekshileriniń, sondaı-aq qoǵamdaǵy oqıǵalarǵa nemquraıly qaramaıtyn azamattarymyzdyń jumysyn erekshe atap ótkim keledi. Olardyń kómeginiń arqasynda kóp qylmystyń beti ashylyp otyr. Máselen, ótken jyly polıtsııaǵa kómek kórsetken 520 polıtsııanyń qoǵamdyq kómekshisin 18 mıllıon teńgege marapattadyq. Mysaly, qala turǵyny Ulan Salavatovtyń arqasynda uzaq ýaqyt boıy esirtkini jasyryp taratýmen aınalysqan qylmystyq top áshkere boldy. Qalamyzdyń qoǵamdyq tártibine beı-jaı qaramaıtyn osyndaı belsendi azamattardyń kóbeıgenin qalaımyn, – dedi Qanat Taımerdenov.
Sondaı-aq, ol Almaty polıtsııasy qaladaǵy qaýipsizdikti qamtamasyz etý, qylmyspen kúresý, azamattardyń konstıtýtsııalyq quqyqtary men bostandyqtaryn qorǵaý úshin bar kúsh-jigerin salatynyn atap ótti.