Almatyda polıtseıler qan tapsyrdy

ALMATY. QazAqparat - Almatyda polıtseıler 10 lıtr qan tapsyrdy, dep habarlaıdy QazAqparat tilshisi.

QR Іshki ister mınıstrliginiń bastamasymen bastalǵan qaıyrymdylyq estafetasy aıasynda Almaty polıtseıleri qan qoryn tolyqtyrdy. 50 tártip saqshysy jumys kúnin qalalyq Qan ortalyǵyna barýdan bastady.

« Biz úshin donorlyq – eń aldymen azamattyq borysh, sosyn janashyrlyq jáne qaıyrymdylyq. Biz donorlyqtyń damýyna zor úles qosa aldyq dep senemiz. Polıtsııa qyzmetkerleriniń arasynda qan toby sırek kezdesetin jandar da bar, olardyń qany tapshy bolyp tabylady. Biz azamattardyń konstıtýtsııalyq quqyqtary men bostandyqtaryn qorǵaý týraly ant tapsyrdyq, sondyqtan búgingi is-áreketti alǵa qoıylǵan mindetterdi oryndaýdyń bir ádisi dep sanaýǵa bolady. Biz tapsyrǵan qan bireýdiń ómirin saqtaıdy dep senemiz. Sizdiń muqtaj janǵa kómekteskenińizdi sezinýińizdiń ózi jeke qurammen jumys isteý barysynda tárbıelenýshilerge jaqsy áser etedi», – dedi Almaty qalalyq PD Esirtki qylmysyna qarsy kúres basqarmasy bastyǵynyń