Almatyda pnevmonııamen kóbinese áıelder aýyrady

ALMATY. QazAqparat – Almatyda pnevmonııa aýrýymen kóbinese áıelder aýyrǵan. Bul týraly onlaın brıfıng barysynda qalalyq Qoǵamdyq densaýlyq basqarmasynyń basshysy Kamaljan Nadyrov aıtty, dep habarlaıdy QazAqparat tilshisi.

Onyń aıtýynsha, qala statsıonarlarynda jyl basynan beri 6175 patsıent emdelip shyqty.

«Blokpostardy alyp tastaǵannan keıin aýyrǵandar sany sany ósti. Búgingi kúni jaǵdaı turaqtalyp keledi. Eger maýsymda pnevmonııamen emdeýge jatqyzylǵandardyń sany táýligine 300 adamǵa deıin jetken bolsa,onda qazir emdeýge jatqyzýlar sany 2 esege tómendedi jáne táýligine 133 adamnan aspaıdy» , - dedi Kamaljan Nadyrov.

Sondaı-aq, ambýlatorııalyq deńgeıde jaǵdaıdyń turaqtalǵany baıqalady, aǵymdaǵy aıda ókpe qabynýy bar patsıentter sany 2 esege tómendep 1000-nan 480-ge deıin azaıdy.

«Statıstıka kórsetkendeı, pnevmonııamen aýyratyndardyń jalpy sanynyń 60% áıelder. Sondaı-aq, jedel járdem qońyraýlarynyń azaıǵany baıqalady. Eger aýrýshańdyq shyńynda (maýsymnyń sońy – shildeniń basy) shaqyrýlar sany 3000-ǵa deıin jetken bolsa, búgingi kúni bul kórsetkish 1800 jaǵdaıdan aspaıdy», - dep tolyqtyrdy ol.

Basqarma basshysynyń aıtýynsha, qazir Almatyda 9634 COVID-19 jaǵdaıy tirkelgen.

KVI sımptomdarymen úıde 2446 adam baqylaýǵa alynǵan. Onyń ishinde 1762 adam sımptomsyz, 684 patsıent sımptommen aýyrǵan.