Almatyda perzenthananyń bas dárigeri 200 myń teńge para alǵany úshin sottaldy
11:11, 27 Qyrkúıek 2019
ALMATY. QazAqparat - Almaty qalasynyń sharýashylyq júrgizý quqyǵyndaǵy №1 qalalyq perzenthanasynyń bas dárigeri para alǵany úshin sottaldy, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Almaty qalasynyń sybaılas jemqorlyqqa qarsy qyzmeti №1 qalalyq perzenthananyń bas dárigeri N. K. Rakıshevaǵa qatysty sotqa deıingi tergeýdi aıaqtady.
Ol atalǵan perzenthanada foto jáne beınetúsirilim qyzmetin esh kedergisiz júrgizgen JShS dırektorynan 200 myń teńge para aldy, sondaı-aq Almaty qalalyq memlekettik aktıvter basqarmasyna kelisimshartty buzý týraly hat jibermedi dep aıyptalǵan edi.
26 qyrkúıekte Almaty qalasy Almaly aýdandyq sotynyń úkimimen N. K. Rakıshevaǵa para alǵany úshin 6 mln teńge kóleminde aıyppul salyndy jáne memlekettik qyzmette laýazymdy qyzmetpen aınalysýyna ómir boıyna tyıym salyndy.