Almatyda páter kezeginde turǵan 8 myńnan astam adam baspanaly bolady

ALMATY. QazAqparat - Almaty ákimi esep berý kezdesýinde qoljetimdi turǵyn úımen qamtamasyz etý baǵdarlamasyn iske asyrý týraly aıtty, dep habarlaıdy QazAqparat tilshisi.

2020 jyly qoljetimdi baspanamen qamtamasyz etý maqsatynda 2948 páter bólindi.

Sonymen qatar, 1 myń jas otbasy «Almaty jastary» baǵdarlamasy boıynsha jeńildetilgen nesıe arqyly baspanaly boldy.

Qala ákimi B.Saǵyntaevtyń tapsyrmasymen jumys isteıtin jas mamandar osy baǵdarlamaǵa alǵash ret qalada tirkeýsiz qatysa aldy.

Sonymen qatar, «Nurly jer» memlekettik baǵdarlamasy aıasynda jalpy aýdany 294,4 myń sharshy metr bolatyn 3902 páter paıdalanýǵa berildi, bul 2019 jylǵy kórsetkishten 2,5 ese kóp.

«Bıyl memlekettik jáne qalalyq baǵdarlamalar aıasynda 8292 páter bólinedi. Onyń ishinde halyqtyń áleýmettik osal toptarynyń ókilderine – 427 páter, kópbalaly otbasylarǵa – 452, jumysshy jastarǵa-1050.Sondaı - aq, «Shańyraq» baǵdarlamasy boıynsha 3578 páter, «Kredıttik baspana» boıynsha -1411, «Baqytty otbasy» baǵdarlamasy boıynsha-374 páter bólinedi. «Almaty jastary» baǵdarlamasy jalǵasady, ol arqyly 1 myń jas almatylyq turǵyn úı ala alady»,-deıdi Baqytjan Saǵyntaev.