Almatyda ózin emdep júrgen dárigerdi atyp óltirgen adam 18 jylǵa sottaldy

ALMATY. QazAqparat - Almatyda gastroenterolog ıÝrıı Shýmkovtyń ólimine qatysty sot úkimi shyqty, dep habarlaıdy QazAqparat tilshisi.

Sot 1987 jyly týǵan T.-ny birneshe bap boıynsha kináli dep tanyp, ony 18 jylǵa bas bostandyǵynan aıyrdy. Ol jazasyn qylmystyq-atqarý júıesiniń qaýipsizdigi barynsha joǵary mekemesinde óteıdi.

Sonymen qatar, sottalýshy marqumnyń otbasyna ótemaqy tóleýge mindetteldi.

Buǵan deıin prokýror 35 jastaǵy T.-ny 20 jylǵa sottaýdy suraǵan bolatyn.

Keıin sottalýshy dáriger ıÝrıı Shýmkovtyń týystarynan keshirim suraǵan edi.

Eske salaıyq, bıylǵy 4 sáýir kúni Almatyda dáriger emdelýshi patsıentiniń qolynan qaza tapty. Ony kúdikti ańshy myltyǵymen atyp tastaǵan.

Asa aýyr qylmys qalanyń Bostandyq aýdanynda bolǵan. Kúdikti qalada engizilgen arnaıy jospar barysynda Alataý aýdany aýmaǵynda ustaldy.

Keıin QR Densaýlyq saqtaý mınıstri Ajar Ǵınııat ıÝrıı Shýmkov pen patsıent arasynda qandaı da bir janjal bolmaǵanyn aıtty.