Almatyda óz betinshe jer ıelengen 644 turǵynǵa ýchaskesin zańdastyrýǵa rýqsat berildi

ALMATY. QazAqparat - Almatyda jyl basynan beri jer komıssııasynyń segiz otyrysy ótti. Sonyń aıasynda, komıssııa músheleri qala turǵyndarynan túsken 3 myńnan astam ótinishti qarady. Bul týraly Óńirlik kommýnıkatsııalar qyzmetiniń onlaın brıfıngi barysynda qalalyq jer qatynastary basqarmasynyń basshysy Ardaq Samambetov málim etti, dep habarlaıdy QazAqparat tilshisi.

Spıkerdiń aıtýynsha, jyl basynan beri jer komıssııasynyń 8 otyrysy ótti. Onda 3 128 ótinish qaralyp, 2 075 ótinish boıynsha oń sheshim qabyldandy. Azamattardyń basym bóligi jer ýchaskelerin zańdastyrý, jalǵa alýdy uzartý, jer telimi úshin jaldaý aqysyn esepteý boıynsha júgindi.

«Jer qatynastary basqarmasynyń mańyzdy sheshimi áleýmettik máseleler boldy. Óńirlik kommýnıkatsııalar qyzmeti buryn óz betinshe ıelenip alǵan turǵyndarǵa jer quqyǵyn berdi. 644 otbasyna jer ýchaskelerin zańdastyrýǵa ruqsat aldy. ıAǵnı, jerge quqyq qurylysty zańdastyrýǵa, tirkeýge alýǵa jáne ataýly áleýmettik kómek alýǵa múmkindik berildi», - deıdi ol.