Almatyda ótken jyly 1,7 mln sharshy metrden astam turǵyn úı tapsyryldy

ALMATY. QazAqparat- 2022 jyly qalada 1,7 mln sharshy metr turǵyn úı paıdalanýǵa berildi, 410 shaqyrym ınjenerlik jeliler salyndy. 2021 jylmen salystyrǵanda sý qubyry kommýnıkatsııalarynyń tozýy 3,1%-ǵa, káriz jelileriniń tozýy 2,3%-ǵa tómendedi.

Bul týraly máslıhattyń VI sessııasynda ekonomıka basqarmasynyń basshysy Dastan Ómirbaev aıtty, dep habarlaıdy QazAqparat tilshisi.

«Almaty aglomeratsııasyn damytý aıasynda kólik jelisin damytýǵa erekshe kóńil bólinedi. Qala mańymen baılanys ornatý úshin 2022 jyly Abaı dańǵyly qala shekarasyna deıin uzartyldy, Tóle bı kóshesi uzartylýda. Qalada 25 shaqyrym jańa jol salynyp, 200 shaqyrymnan astam jol jóndeldi. Bul tek Naýryzbaı jáne Alataý aýdandarynda. Osylaısha, jaqsy jaǵdaıdaǵy avtomobıl joldarynyń úlesi 86%-ǵa deıin ósti»,-deıdi Dastan Ómirbaev.

Sonymen qatar ol jerasty kólik jelisi de damyp kele jatqanyn tilge tıek etti.

«2022 jyly 2 jańa metro stantsııasy – «B.Momyshuly» jáne «Saryarqa» ashyldy. Jolaýshylar aǵyny 78%-ǵa, atap aıtqanda táýligine 58,5 myńǵa deıin ulǵaıdy»,- dedi basqarma basshysy.

Dastan Ómirbaev byltyr megapolıste 1,7 mln sharshy metr turǵyn úı paıdalanýǵa berilgenin tilge tıek etti.

«2022 jyly megapolıste 1,7 mln sharshy metr turǵyn úı paıdalanýǵa berildi. Jańa turǵyn úı kesheniniń qurylysy ómir súrýge qolaıly jaǵdaı jasaýdy qajet etedi. Osyǵan oraı, byltyr Almatyda 20 orta bilim berý nysany men 108 balabaqsha paıdalanýǵa berildi»,- dedi ol.