Almatyda osy ýaqytqa deıin ortalyq sý jelisine qosylmaǵan birneshe aýdanǵa sý keledi
Qala ákiminiń aıtýynsha, Dýman yqshamaýdanynda sorǵy stantsııasy men kólemi 1800 tekshe metr bolatyn 2 rezervýar qaıta jańǵyrtylyp jatyr.
Jumysty aǵymdaǵy jyldyń sońyna deıin aıaqtaý josparlanǵan.
Sondaı-aq aǵymdaǵy jyldyń qarasha aıynda ıÝbıleınyı (265 abonent) yqshamaýdanynda 1,2 km kanalızatsııa jelilerin qaıta jańǵyrtý, úsh kóshe (Gornaıa kóshesi, Batýrın kóshesi jáne Begalın kóshesi,129 abonentti qamtıdy) boıynsha 1,4 km sý qubyry jelisiniń jumystary aıaqtalady.
Bul jumystar Kokkınakı, Lýganskıı jáne Elebekov kóshelerinde jalǵasyp, 2023 jyldyń ekinshi toqsanynda aıaqtalady.
Qala ákimi Keńsaı yqshamaýdanynda sý qubyry jáne kanalızatsııa jelilerin salý jobasy boıynsha konkýrs ótkizilip, merdiger anyqtalǵanyn aıtty.
Qurylys-montaj jumystarynyń bastalýy 2023 jyldyń kóktemine josparlanǵan.
«Kamenskoe plato yqshamaýdanynda sýmen jabdyqtaý jáne sý burý jelileriniń joqtyǵyna qatysty máselelerdi sheshý úshin zertteý júrgizildi, onyń nátıjeleri boıynsha qazirgi jobany qurylys materıaldarynyń qymbattaýyna, sondaı-aq taýly jerlerdiń kúrdeli relefine baılanysty sý qubyry jáne kanalızatsııa jelilerin salý boıynsha túzetý jóninde sheshim qabyldandy. Qurylysty 2023 jyldyń kókteminde bastaýdy josparlap otyrmyz», - dedi Erbolat Dosaev.
Onyń aıtýynsha, sý kózimen qamtamasyz etý úshin Muztaý jáne Kólsaı yqshamaýdandarynda «Balqash» JBQ-da NS-2 keńeıtý jobasyn ázirlep jatyr.
Sondaı-aq Muztaý men Kólsaı yqshamaýdan jalpy uzyndyǵy 3,8 km quraıtyn magıstraldy sý qubyry jelisin qosatyn qurylystyń JSQ ázirlenip jatyr, qurylys-montajdaý jumystarynyń bastalýy 2023 jyldyń II toqsanyna josparlanǵan.
«Sonymen qatar jyl sońyna deıin Sulýsaı yqshamaýdandaǵy sýmen jabdyqtaý jelileriniń qurylysyna jáne 2 uńǵymany burǵylaýǵa JSQ ázirleý aıaqtalady. QMJ-ǵa kelesi jyldyń kókteminde kirisýdi josparlap otyrmyz», - dedi Erbolat Dosaev.