Almatyda orys jastary arasynda qazaq tilin jetik meńgergen bilimpazdy anyqtaıdy
Baıqaýdy Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumystar komıteti ótkizýde.
Uıymdastyrýshylardyń aıtýynsha, konkýrstyń basty maqsaty - orys jastary arasynda memlekettik tildiń qoldanys aıasyn keńeıtý, qazaq tilin erkin meńgergen orys jastaryna qoldaý kórsetý, sondaı-aq sóz mádenıetin kóterý jáne jetildirý. Bıylǵy saıysqa «Til - parasat» baıqaýynyń óńirlik jeńimpazdary atanǵan 12 qyz-jigitter qatysady. Olardyń arasynda - Krıstına Chervınskaıa (Aqtóbe oblysy), Elnur Stepanov (Astana), Anastasııa Pavlıýk (Pavlodar oblysy), Alına Jýkova (SQO), Nadejda Kostenko (Jambyl oblysy), Vıktor Tatashınskıı (Qostanaı), Kırıll Denısov (Qyzylorda oblysy), Krıstına Goncharova (Almaty oblysy), Oksana Drachko (Almaty), Alına Gagarına (Qaraǵandy oblysy), Marııa Masımova (ShQO), Alena Polýhova (Aqmola oblysy) bar.
Aqtóbe oblysynyń atynan qatysqan Krıstına Chervınskaıa bolashaqta horeograf bolýdy armandaıdy. Asqaq armanyna qaraı alǵashqy qadamyn qazirdiń ózinde jasap úlgergen - ol bastaýysh synyp oqýshylaryna ulttyq bı úıretýde. Krıstına qazaq tilin úırenýdi 6 jasynan bastaǵan. Pavlodar oblysynyń qatysýshysy Anastasııa Pavlıýk qazaq mektebinde 9 jyl bilim nárimen sýsyndaǵan. Qazirgi tańda Pavlodar memlekettik ýnıversıtetinde jýrnalıstıka mamandyǵyna beıimdelýde, bolashaqta telejúrgizýshi bolǵysy keledi. Jastarǵa qoldaý kórsetýge Qazaqstandaǵy orys qaýymdastyǵynyń tóraǵasy, qazylar alqasynyń múshesi ıÝrıı Býnakov atsalysqan.
«Maǵan baıqaýdyń bastamashysy bolý baqyty buıyrdy. Men 8 jyl buryn mınıstrdi (mádenıet - mys.) memlekettik tildiń qajettiligi, eń aldymen orys jastaryna baılanysty ekenine sendirdim. Eger biz jastarǵa memlekettik tildiń mańyzdy ekenin túsindire alsaq, jastar da oǵan óz úlesterin qossa, demek til damytýdyń osyndaı quraly tıimdi bolmaq. Atalmysh baıqaýǵa 8 jyl boıy ár jyl saıyn myńdaǵan orys ultynyń bozbalalary men boıjetkenderi qatysýda. Men olardy maqtan tutamyn», - dedi ol.
Qatysýshylardyń alǵashqy tapsyrmasy memlekettik tildi aýyzsha tanystyrý boldy - balalar tapsyrmalar berilgen kártishkelerdi tańdap, qysqasha til týraly aıtýlary kerek. Qatysýshylar týǵan jeri, Otany, súıikti jazýshylary týraly erkin áńgimeledi.